影片
更多
2020-11-09
1551 浏览
呢期人人讲烧卖，唔通人人都真系好钟意食烧卖？ 如果你睇完TVB讲粉果佬，你冒名而来搭一个钟车入大埔然后用咗一个钟排佢嘅烧卖，食完后，你可能觉得浪费左你一个钟时间，因为周末至少排一个钟，你会觉得系TVB惹的祸。 旭仔一分钟可以识个苏丽珍，而一个钟你可以识60个苏丽珍，呢串烧卖可能真系坏过凯婷，因为人生时间太宝贵，一个钟可以做好多嘢。 当然你可以选择排队呢个钟讲吓电话，上下社交平台，打下机或者刚刚够睇一集近期大热嘅后翼弃兵(The Queen’s Gamebit) ，但系我觉得你都可以换过选择，唔使排一个钟，都可以食同样好食嘅烧卖。 前排我推过红磡的林记，唔知有几多人记得，至少唔使排一个钟咁痴线，今日我讲呢间系位于荃湾嘅冠华，完全唔使排队， $12有七粒，至少唔使浪费你一个钟头，以我所知，香港烧卖关注组都有讲过，但我唔知有几多人咁神心好似我咁走过来食。 地方系有少少难揾，不过只要问街坊，街坊就会指导你去呢间专食牛杂粉面嘅冠华。 门口已经有架车仔卖烧卖，入边就系粉面档。 烧卖比起林记同粉果佬或者其他出边食开嘅烧卖都大粒，有啲似筲箕湾吕仔记。 呢度有个阿姐，状似
如果你睇完TVB讲粉果佬，你冒名而来搭一个钟车入大埔然后用咗一个钟排佢嘅烧卖，食完后，你可能觉得浪费左你一个钟时间，因为周末至少排一个钟，你会觉得系TVB惹的祸。
旭仔一分钟可以识个苏丽珍，而一个钟你可以识60个苏丽珍，呢串烧卖可能真系坏过凯婷，因为人生时间太宝贵，一个钟可以做好多嘢。
当然你可以选择排队呢个钟讲吓电话，上下社交平台，打下机或者刚刚够睇一集近期大热嘅后翼弃兵(The Queen’s Gamebit) ，但系我觉得你都可以换过选择，唔使排一个钟，都可以食同样好食嘅烧卖。
前排我推过红磡的林记，唔知有几多人记得，至少唔使排一个钟咁痴线，今日我讲呢间系位于荃湾嘅冠华，完全唔使排队， $12有七粒，至少唔使浪费你一个钟头，以我所知，香港烧卖关注组都有讲过，但我唔知有几多人咁神心好似我咁走过来食。 地方系有少少难揾，不过只要问街坊，街坊就会指导你去呢间专食牛杂粉面嘅冠华。
门口已经有架车仔卖烧卖，入边就系粉面档。
烧卖比起林记同粉果佬或者其他出边食开嘅烧卖都大粒，有啲似筲箕湾吕仔记。 呢度有个阿姐，状似老板娘，佢话佢日日都包烧卖，好快就会卖晒。
食之前见到只只烧卖热辣辣胀卜卜嘅样都几吸引，我老婆仲问我系咪好紧张，因为太期待。 食落口，味道唔会大而无当，有咬口，鱼肉味几浓，又烟韧，由于好大粒，个口感可以维持好耐。
辣椒油系自家炒，唯一唔够好就系佢嘅辣椒油唔系好辣。 要专程过嚟食，系值得嘅，至少我觉得，系香港头三甲位置，我觉得佢系大件版嘅林记，即系如果你觉得张曦雯好正，呢度嘅张曦雯个样会靓啲身材会再好啲。 不过最精彩嘅系佢入边嘅牛杂档。
虽然好饱但系见到佢嘅牛杂真系好吸引，忍唔住买咗一碗外卖。
阿姐好好客，力推自己嘅牛腩同牛杂，当场可以试味，食完之后就欲罢不能。
如果你喜欢嘉丽园嘅牛杂汤，有花椒八角嘅药材香嘅味道，咁呢度正中下怀。
佢系浓味嘅八宝清汤腩，最可惜呢度竟然冇萝卜卖。
无论牛筋、牛腩、牛膀，牛肺，都非常出色，最正系个牛肠，你不会觉得肥到完全唔想食。
返到去用牛杂牛腩送红酒真系一流，出色，$95咁大碗，仲要当场试咗好多个唔同的腩位。
绝对有下次，听讲云呑都好出色，下次冇咁饱嘅状态一定要叫粉面送佢个汤底。 如果你爱好烧卖，又唔想排队，山长水远过嚟呢度食应该都唔太过分。
至少，呢度除咗烧卖仲有另外一样好正嘅美食，爱好牛腩也不要错过。
食完之后，当看看餐厅嘅外内围，都像时光倒流般，话唔定你可以揾返系粉果佬失去左的60个苏丽珍。
冠华粥面 荃湾石围角村石芳楼地下7号舖
张贴
