龍津美食

营业中

休息中

见到好多人话佢哋姐姐嘅服务态度好差，我唯有都吐槽下～样样嘢食十几廿蚊，平过茶餐厅嘅质素，你想要好过茶餐厅嘅服务吗？更何况，茶餐厅都冇服务啦！一间铺头，样样嘢食都咁平，企喺到又要收钱又要整嘢比你食，一脚踢咁，换做你，有几好态度？所以，我来得呢到买嘢食，就唔会睇姐姐面色，我睇嘅系啲嘢食。琳瑯满目，应有尽有，人多起来，啲姐姐都咪话唔忙，互相体谅下都好应该。我最钟意食呢到嘅碗仔翅，有得拣辣定唔辣嘅菜脯，我喜辣，仲会叫姐姐比多啲～冇孤寒到，真系好多菜脯。碗嘢嘅料都好足㗎，鸡丝、木耳丝、粉丝，啖啖爽口惹味。