鼎家喜筷 (已結業)

荃湾真系吃喝玩乐包罗万有 荃湾西行完如心、荃湾广场，又可以去埋海之恋，行完Donki无晒力，劲想食啲好饱肚嘅嘢补充力气，加上天气冻最啱打边炉同食热辣辣嘅鸡煲。于是我哋就拣咗食🤭🤭鼎家喜筷，呢度嘅特色就系可以任添嘅鸡煲同任添嘅下火嘅嘢饮，送蔬菜拼盘，唔怕热气食得尽兴🤭🤭呢度嘅鸡煲相当唔错，啲鸡件件都好厚肉，鸡味浓郁，新鲜鸡嘅味道，真材实料☺️我哋嗌咗小辣，椒辣食到好爽。一路辣一路饮冻饮解渴消辣，嘢饮任添，唔使就住就住饮。食完鸡煲就可以加汤打边炉，打边炉最紧要有嘅配料佢哋都有得嗌，拼盘有娃娃菜，金针菇、菇等等，居然仲有女友至爱嘅粟米🌽打边炉唔少得乌冬同午餐肉😋😋仲特别嗌咗珊瑚蚌，爽口弹牙有鲜味，使珊瑚蚌好花功夫，但佢哋洗得好干净，我哋都好放心咁食。呢度嘅装修明亮，天花仲有鼎爷样嘅彩色灯，够晒有新意，位与位之间又唔逼夹，坐得好自在。 佢哋仲有个饮品甜品摊挡 打完边炉可以开第二个胃食甜品🤣🤣好啱同朋友聚会 可以一次过食埋甜品😂😂