苑記粉麵茶餐廳

营业中

休息中

寒冷嘅天气底下，大家都会想食返啲暖笠笠嘅食物暖下身，呢个时候最好就系食煲仔饭。餐厅开业多年，早上就系一般嘅茶餐厅粉面档，夜晚就有热辣辣嘅煲仔饭，啱晒冬天过嚟食。煲仔饭有多个选择，即叫即煲，所以等嘅时间相对比较耐。蜡鸭滑鸡煲仔饭，点钟多过半小时后上菜，可能当天客人比较多，差唔多𠮶个都系食煲仔饭，所以准备时间比较耐。鸡件大细适中，生熟程度刚刚好，蜡鸭就正常发挥，饭底有饭焦，加埋煲仔饭专用甜豉油就味道适中。等嘅时候点咗奶油多，烘底香脆，花生酱刚刚好。