一鍋 - 台日式精緻小火鍋專門店 (已結業)

朋友生日又想暖粒粒咁过呢个冬天，结果就揾咗间餐厅一齐打边炉庆祝。入到去，麻雀虽少但食物真系非常之好味道！而且见到墙上贴咗好多明星自拍照，我估应该几出名。其实餐牌，有好几个套餐可以选择，之后就可以半自助形式出去拎台式丸、蔬菜、面类、酱油饮品等等。而同朋友最终叫咗个2人龙虾餐。前菜 - 三文鱼子海胆带子盛：选料新鲜，而海胆真系有好浓海胆味，夹埋一齐食真系好正。台式丸：其实自助吧果到有好多香港少见嘅丸类，同完负责人吹水先知原来佢哋系台湾专程入货，当中有不少丸类都超级正，例如：樱花虾饼、麻吉烧都非常爽口弹牙，唔试唔得。估唔到除咗佢嘅丸类好味之外，海鲜都几特出。配合番茄汤底刚好能带出龙虾的鲜甜味，龙虾好味唔多讲，原来佢个壳都好有用，负责人话食完可以放落锅一齐煮，令汤底可以更加鲜。而肉类就拣咗日本黑豚梅花肉同牛肩胛肉，梅花肉够嫩有浓嘅黑豚味。而牛肩胛肉脂肪比例较少，个人会比较钟意黑豚梅花肉。食呢餐真系非常满意，不论食材定系汤底都好正，而个人建议食海鲜可以拣用蕃茄涉底，因为可以令鲜味更特出，而最后仲有Haagan Dazs雪糕食。