梨泰院 (愉景新城) (已結業)

下昼同朋友去荃湾愉景新城行街，行行吓够钟食晚饭，记得早前去过一间叫＂梨泰院＂食饭觉得唔差今次继续揾呢间食饭。🐔海鲜人参鸡锅$358店员一攞上嚟，立刻闻到好浓郁的人参味，呢𠮶锅份量超大，配料甚多，里面配料有原只鸡，鲍鱼、原筒鱿鱼、青口、虎虾、带子、蟹，配上酿左喺鸡肉里面嘅糯米同人参粒。海鲜都几新鲜，款款都食到鲜甜味，虎虾仲好爽口弹牙，鲍鱼带子好鲜甜，青口肥美大只，鸡肉嫩滑，糯米软糯入味。钟意食海鲜嘅人系最好嘅选择，另外亦都有适当嘅菜，浸过上汤之后更加鲜甜。真系由一开始食，慢慢从淡身食到海鲜咸香。🐂BBQ牛肩肉$168除咗打边炉之外仲有烧肉食，份量都系一啲都唔吝啬，仲配上生菜，肉质丰富Juicy，好够牛味，仲有三款酱汁任你点(麻油、豆粉、BBQ酱），三种酱料各有风味，食𠮶时我会用生菜包住牛肉点点酱汁一齐食，咬落去有生菜爽脆，和啖啖牛肉爆汁既多种感觉，真系几满意。🥤 饮品益力多乳酪沙冰，超级大杯，饮落去好清新，用嚟解一解油腻。杂莓梳打需要自己搅拌，酸酸甜甜，上面仲放咗一片薄荷叶，同样清新。