勝八鉄板串料理 (已結業)

难得行过铜锣湾，去睇下有咩好食先？听过胜八d 野食都唔错，见佢d 串烧好似都几正咁，上去试下先～呢个黑豚露笋，系店主推介菜式之一。外面有软林林，烟烟韧韧既黑豚肉；入面就有爽脆新鲜既露笋。两种不同口感混合起黎非常特别，值得一试。之后呢个系鱚鱼。本来以为烧出黎会干哂，点知冇。肉质唔太干，亦唔会唔熟，时间掌握得啱啱好。加上宗少少柠檬汁，食起黎个味道极为鲜嫩。最后有呢个牛筋汤，都系店主推介既。个汤落足料同够哂火喉，每一啖饮起黎都有种暖笠笠既感觉。牛筋食起黎好林，胶质好重，入面d 骨胶原应该好多。临走前饮番碗，暖一暖个身，冬天几冻都唔怕。