坤記煲仔小菜

营业中

休息中

西营盘著名煲仔饭，等了几个月羊腩煲啱啱上市。6:00已经开始有人排队，好彩同朋友一齐一早过来，我们第一台入餐厅。四个人点了专登过来食的枝竹羊腩煲、两个煲仔饭：润肠滑鸡同腊肠白鳝煲仔饭，加埋啫啫田鸡煲同椒盐鲜鱿。羊腩煲差唔多食完加追一份枝竹同埋一份猪润，连同生菜，正如食火锅。煲仔饭绝对冇失望，上菜时香气扑面，加上豉油，饭底渣渣声，润肠食落香油满嘴，可惜每人分得只有一旧，下次应该叫双润肠。羊腩煲羊腩有好多件，枝竹朔满汤汁，点上腐乳汁，更加味美。埋单每人百零蚊，价廉物美。