吉列牛忌廉烏冬專門店 (彌敦道) (已結業)

上星期二晚收工之后，有事要到旺角。因为呢排天气开始冻，想食啲暖笠笠既野，就念起咖哩乌冬，随机一揾，醒起附近有呢间近期好出名既韩国餐厅。餐厅食吉列牛同咖哩忌廉乌冬为主。因为一个人黎食，只可以食一款。吉列牛都多地方可以食列，就叫左咖哩忌廉牛肉乌冬再加炸芝士薯仔年糕做小食。咖哩同乌冬都咖哩都唔系好浓个种，虽然两种味道听讲好似有点奇怪，但搅埋一齐食原来好夹！！忌廉好滑，加埋咖哩味咸咸地，再加上乌冬，味道岩岩好，冬天食好温暖。牛肉反而就无咩特别，有少少韧，但个汁真系好正，好特别，未食过都可以一试。因为觉得剩食乌冬有少少闷，唔够满足，再叫多左个小食。炸芝士年糕，个皮好薄好脆，一咬开啲芝士爆晒出黎，但稍嫌芝士味比较淡，如果芝士味浓返少少就一流。食完咖哩忌廉乌冬加上一旧炸芝士年糕，已经好饱。整体呢讲，餐厅价格唔算贵，质素都唔错，推介冬天食咖哩忌廉乌冬，食完包你暖返晒