元朗合隆潮州粉麵 (京瑞廣場1期)

营业中

休息中

胡椒汤的猪杂汤面，清汤萝卜，自家制菊花茶，若你唔食得辣，建议唔好叫胡椒汤底，师傅落好重手，几乎连猪杂的味都食唔到，但猪杂的确新鲜好食，还在碗上洒上大量唐芹碎，好香，叫系有啖菜咬下中和下。清汤萝卜都有好几件，清汤即系猪骨汤底，易入口好多，免费任添的辣萝卜真系辣到飞起，唔食得就唔好拿太多，少量配汤面好滋味最后食到个人暖晒，条唎都辣晒，就叫多杯菊花茶，成个餐都满意，墨鱼头定价小贵，唔舍得食，炸鱼皮今次没叫，下次再试。见餐厅推出外卖猪杂火㶽料套餐，我好心动，定价合理，冬季先去买。最要赞系，间餐厅好干净，枱椅连调味酱料瓶，牙签筒，食具桶等都抹得干净，坐得舒适，侍应服务殷勤有礼。