台灣館 (已結業)

第一次食呢间九龙湾嘅台湾嘢，餐厅环境舒适，有唔少window seat，墙上有啲台湾景点壁画🫶🏻食物有好多选择，因为天气冻，所以叫咗个烤鱼，配两个白饭，我本身唔系好食得辣，好在「小辣」唔系好辣，都顶得顺😂 条鱼好大条，多肉，连埋啲汁食好好食👍🏼另外叫咗碟沙茶芥兰炒牛肉，沙茶酱好惹味，芥兰唔会系好老𠮶啲，牛肉都够林。野饮嗌咗冻菊花蜜同埋冻百香果红茶，菊花本身滋润，加埋蜜糖味道有层次🍯，食完酸菜鱼饮，十分解渴清爽～总括嚟讲呢间餐厅坐得好舒服，服务态度都好！