影片
更多
2016-07-26
2139 浏览
冬天食雪糕，夏天食火锅是常识吧。今日33度高温，梗系要打边边啦，朋友仔介绍咗佐敦好好肥牛鸡煲店，一于去试下先。1) 酸腌木瓜 $free ---> 一坐低，店员即刻送上酸腌木瓜，酸酸甜甜又爽脆，食完好清新开胃ga 2) 炸韮菜饺 $48 ---> 由于好肚饿嘅关系，决定即刻叫个熟食医医肚先。热辣辣上枱，好明显系即炸，因为皮好薄好薄，所以更加脆卜卜，连埋肉汁丰厚嘅韮菜馅一齐食，感觉饱满，好赞呀3) 意式田园蕃茄蔬菜窝 $88 ---> 当我地三心两意选择汤底嘅时候，店员为我地推介咗呢个由意大利蕃茄，粟米，薯仔，椰菜煲成嘅窝底。蕃茄鲜嫩，栗米香甜多汁，到火锅中段，店员后来更亲自帮我地起油起泡，再端来新碗比我地试试已混入各种肉类及海鲜嘅汤底，意想不到系味道竟然有点点西式汤嘅感觉，浓浓蕃茄味带小小稠身香滑嘅口感，真系好满足4) 花雕本地肥牛 $128 ---> 虽然有好多款牛部位选择，但我同朋友嘅眼睛，早早已经被"花雕"两个字吸引住，难得有默契咁一齐拣咗呢款牛。果然真系无令我地失望，唔只上枱时候有浓烈嘅花雕味，就连经煮熟后，入口仍然带有阵
冬天食雪糕，夏天食火锅是常识吧。今日33度高温，梗系要打边边啦，朋友仔介绍咗佐敦好好肥牛鸡煲店，一于去试下先。
1) 酸腌木瓜 $free---> 一坐低，店员即刻送上酸腌木瓜，酸酸甜甜又爽脆，食完好清新开胃ga
2) 炸韮菜饺 $48---> 由于好肚饿嘅关系，决定即刻叫个熟食医医肚先。热辣辣上枱，好明显系即炸，因为皮好薄好薄，所以更加脆卜卜，连埋肉汁丰厚嘅韮菜馅一齐食，感觉饱满，好赞呀
3) 意式田园蕃茄蔬菜窝 $88---> 当我地三心两意选择汤底嘅时候，店员为我地推介咗呢个由意大利蕃茄，粟米，薯仔，椰菜煲成嘅窝底。蕃茄鲜嫩，栗米香甜多汁，到火锅中段，店员后来更亲自帮我地起油起泡，再端来新碗比我地试试已混入各种肉类及海鲜嘅汤底，意想不到系味道竟然有点点西式汤嘅感觉，浓浓蕃茄味带小小稠身香滑嘅口感，真系好满足
4) 花雕本地肥牛 $128---> 虽然有好多款牛部位选择，但我同朋友嘅眼睛，早早已经被"花雕"两个字吸引住，难得有默契咁一齐拣咗呢款牛。果然真系无令我地失望，唔只上枱时候有浓烈嘅花雕味，就连经煮熟后，入口仍然带有阵阵酒香，肉质细嫩，就算煮耐咗，都唔会觉得韧。有个小贴士提提大家，食呢款牛切记唔需要任何调味，因为牛本身已经好入味啦，调味会抢走酒香ga
5) 本地新鲜牛骨髓 $68---> 而家已经好小火锅店有牛骨髓啦，所以都要叫一客。牛骨髓份量够多，质感够软滑稔身
6) 鲜炸响铃卷 $38---> 仲以为同一般火锅店嘅响铃无分别，但原来"鲜炸"两个字真系各符其实，所以佢地设计新食法，就系点酸酸甜甜嘅酱汁即食，一卷两食方法，真系好特别呀
7) 日本广岛蚝 $88
---> 蚝都算大只，亦有蚝味，整体无太大惊喜
8) 苏格兰圣子皇 $108---> 圣子好大只呀，店员教路圣子离壳可以即食，苏格兰圣子特点系比较鲜甜嫩口，而且无沙，一碟仲有4只，唔怪得每枱都会叫一客啦
9) 白鳝片 $108---> 白鳝片好大片而且好厚切，食落好有咬口唔会软淋淋咁，同平时食嘅好唔同呀
10) 冬瓜片 $28---> 个人觉得冬瓜片好唔好食，完全视乎索倒几多汤汁，呢度嘅冬瓜片切得好大块，吸倒嘅汤汁就更多更浓，配合埋打边炉到尾升嘅汤底，真系好圆满呀
张贴
