樂湯雞麵館 (登龍街) (已結業)

冬天好想揾啲暖笠笠嘅汤面食，嚟到铜锣湾呢条小食街，见到呢间面馆主打健康嘅米线同埋汤面，今日都想食得清淡啲，就入咗食个晚餐，味道真系有一种几健康嘅感觉～砂锅花胶鸡汤翅刀削面 $94热辣辣嘅砂锅煲，上到枱个汤底都仲滚紧，都好足料下，花胶大大嚿，炆到好林，配合鸡汤翅，汤生更加挺身厚实，面底除咗米线米粉普通嘅选择，仲可以拣刀削面，今次就叫咗刀削面，面质唔错，有弹性，有少少咬口，汤底唔会好浓，食得出的健康～药膳醉鸡米线 $76一上枱就闻到好大浸药膳味！但系食落去又唔会感觉好燥热，一种比较容易入口嘅药膳汤，汤底亦都唔会苦，浸腌咗嘅醉鸡，配合药膳汤味嘅米线，真系好适合冬天食👍🏻凉拌莴笋 $40莴笋非常嘅爽口，调味同样亦都唔会重口味，一个比较容易入口嘅凉拌菜，作为开胃菜唔错。叫咗米线可以半价加饮品，我哋就一人饮咗一罐可乐同埋一杯豆浆。