影片
更多
2021-12-10
66 浏览
冬天咁冻就拣咗一间热辣辣嘅麻辣餐厅嚟食，开头以为会系好似茶餐厅、大排档咁嘅环境质素，点知成个环境好舒服好干净，地下唔会油粒粒，旁边仲有好多店主自己挂嘅小植物添！坐左卡位觉得阔落之余又舒服，成个环境好自家人温馨嘅气氛，一坐低，已经听见隔离枱系咁叫「肥姐肥姐！想要乜乜乜」，个个都同店主打成一遍，𠮶种大排档嘅感觉真系好少见呀！一坐低仲拎咗两碟前菜俾我哋，花生香脆，另外蚕豆鱼干比花生辣，但系又香口好多，我哋之后仲有用来点我哋嘅鸡翼添！因为我同朋友想食辣但系又唔食得太辣，所以就叫咗一个水煮鱼BB辣，呢一个辣度大概就系唔需要饮嘢都可以接受到，会有少少出汗嘅感觉，冬天好正！个人觉得舒服！呢一个价钱来讲唔贵，鱼嘅份量非常之多，亦都唔腥，我同朋友一人一半都好饱，仲可以自己加啲配菜，我自己就比较钟意加钱加配料粉条同埋娃娃菜，因为可以吸晒水煮鱼入边麻辣嘅香味，呢一间嘅花椒同辣椒都用得比较多，所以食嘅时候千祈唔好一大啖夹埋入口啊！鱼肉好滑身唔会散晒，虽然美中不足嘅系有骨，但系唔算多，加埋水煮鱼香辣麻辣咁非常过瘾，以前经常都会返大陆食水煮鱼同酸菜鱼，而家喺香港揾到一间味道唔错嘅水煮鱼真系几开心！入边会有少少芽菜
因为我同朋友想食辣但系又唔食得太辣，所以就叫咗一个水煮鱼BB辣，呢一个辣度大概就系唔需要饮嘢都可以接受到，会有少少出汗嘅感觉，冬天好正！个人觉得舒服！呢一个价钱来讲唔贵，鱼嘅份量非常之多，亦都唔腥，我同朋友一人一半都好饱，仲可以自己加啲配菜，我自己就比较钟意加钱加配料粉条同埋娃娃菜，因为可以吸晒水煮鱼入边麻辣嘅香味，呢一间嘅花椒同辣椒都用得比较多，所以食嘅时候千祈唔好一大啖夹埋入口啊！鱼肉好滑身唔会散晒，虽然美中不足嘅系有骨，但系唔算多，加埋水煮鱼香辣麻辣咁非常过瘾，以前经常都会返大陆食水煮鱼同酸菜鱼，而家喺香港揾到一间味道唔错嘅水煮鱼真系几开心！入边会有少少芽菜、海带等等，令到成锅水煮鱼更加有口感！我朋友仲食到水煮鱼入边嘅鱼眼同埋鱼嘅面珠灯，佢话滑溜溜嘅感觉好新鲜！
水煮鱼
4 浏览
0 赞好
0 留言
另外叫咗一个土匪鸡翼，味道都系麻麻辣辣，味道上面嘅芝麻同埋胡椒味非常之香，口感系香脆入边系油分满满又多汁，真系好邪恶，但系我哋一人三只都仲想再encore啊！
最后为咗平衡营养，都叫返一个菜嚟食下，呢个炒椰菜都几令我另眼相看，因为开头以为佢只系普通嘅炒菜，但系佢用咗少少鱼汤嘅味道吊味，又有辣椒嘅香味，令到成碟炒菜爽口之余味道都好丰富，同屋企煮嘅完全唔同！
我后尾买单大约$400到，我个人觉得非常之合理，性价比好高，唔会催单，坐得又舒服，环境又干净，嘢食又十分之唔错，辣度又可以选择，我应该下次可以再挑战下小辣，如果唔食得辣嘅人就可能需要叫酸菜鱼啦，佢都仲可以加钱拣桂花鱼等等，我觉得选择好多，有平又有贵，有好多特色小食都想食，下次经过荃湾都会再嚟啊！
张贴
