木衛二鑄茶所 (怡和街) (已結業)

食饱经过好口渴想买杯野饮。见到栗子蓉奶茶，好似几好，即管试下。反正天气冻到腾腾震，饮杯热饮取暖就最啱。冲调时间都有五分钟以上，都要等下，好彩前面无人。野饮一拎上手真系热辣辣，好辣手，饮时都格外小心。味道同预期唔一样，以为会有栗子甜香，点知无。栗子唔系完全成蓉，反而系软腍嘅碎粒，令饮品更浓稠，饮落更有质感。而奶茶出乎意料，非常香浓，好饮👍🏻 同港式奶茶唔同，值得饮下。不过如果栗子🌰可以打成香甜嘅蓉再加cream,可能更好饮。