廚匯濃湯雞

营业中

休息中

天氣凍，又係時候要驅驅寒，食返啲暖身又暖胃嘅美食。今晚嚟呢間旺角區小店，地方確係比較細，但都好多捧場客嚟食，爆場要等位。香芹墨魚餅 $32、椒鹽墨魚咀 $32 先來此店的兩款招牌小食，墨魚餅即點即炸，外皮熱辣辣，內裡墨魚肉爽彈有咬口，又帶少少香芹味，好食。至於墨魚咀炸得極香脆，一口一粒彈牙脆卜卜，加埋炸蒜蓉碎粒，鹹香惹味。胡椒豬肚雞鍋 $58這裡的鍋物可跟配米線/白飯/薯粉/米粉，份量不少；先飲一口湯，湯底真係無添加味精，充滿胡椒香，有少少微辣但好暖胃；豬肚煮得軟硬適中，軟嫩中帶有嚼勁，雞肉幾嫩滑，還有芽菜、秀珍菇和白蘿蔔做配料，配米線一齊食確一流。魚三寶湯鍋 $58奶白色的湯底入口有種滋潤入心的魚湯香味，當中的三寶分別是魚腐、白魚蛋及魚片頭，共有十件之多，全部都非常彈牙，魚香突出；碗底有大量娃娃菜，飽肚又健康。