Pancake House HoiHoi (Megabox) (已結業)

见到HoiHoi Pancake 出咗新嘅冬日限定，于是就约埋朋友一齐去食喇。目玉烧夏威夷Pancake卖相非常有趣，成只太阳蛋放咗响夏威夷Pancake上面。太阳蛋当然唔系真嘅啦，依个太阳蛋，蛋白系意大利软芝士忌廉，而蛋黄系特制吉士酱。意大利软芝士忌廉同Pancake好夹，Pancake蛋味依然一样咁香。抹茶忌廉梳乎厘Pancake 叫咗一个夏威夷Pancake、咁另一款当然要拣梳乎厘Pancake啦。今次就要咗抹茶忌廉口味。抹茶忌廉甜而不腻，而充满空气感嘅梳乎厘Pancake更系食到非常难忘。宇治金时依个系今年嘅冬日特饮。宇治金时原本系一款甜品嚟，今日变成饮品，都几特别。抹茶同牛奶味平衡，再加上十胜红豆粒，够哂特别。仲有个靓靓嘅拉花，真系好有心思。焙茶牛奶依杯热饮都有一个靓靓嘅拉花。焙茶味好突出，同牛奶都几Match。