Zakka (已結業)

这天在铜锣湾睇完星战，充满原力……跟住做啲乜，最窝心莫过于三五知己一起，嘴里一边尝甜，一边谈天说地……在百德新街，一间充满西日式风情、感觉开扬唔使迫既店舖，跟戏院咫尺之遥，这儿座位众多，环境布置清新简约，甜品制作与主餐部分采开放式设计，食客可以"监督"整个制作过程，又可以同步偷师，嘻嘻！冇嚟一排，原来已经转咗甜品餐牌，香橙朱古力布朗尼芭菲杯‧朱古力雪糕 、黑白朱古力流心布甸‧云呢拿雪糕 、榛子朱古力慕斯班戟 ，啱晒我哋呢班甜品控，咁就每样一客，一齐share。甜品师创作既芭菲杯以香橙肉混和杯中，除咗颜色点缀外，真正用意系夹埋布朗尼、雪糕同食，口腔即时refresh唔会呛喉，不期然食多几羹，真系"魔鬼"！😂第二道甜品黑色朱古力布甸一切开，白色朱古力流心倾泻而下，配合雪糕一齐食，冷热交融，口感一绝。第三道甜品榛子味道浓烈，慕斯夹在三层班㦸之中，好有层次。街上寒风凛冽，我哋窝在室内尝甜，浓浓的朱古力香弥漫一室，再来一杯暖暖香橙肉桂茶……肉桂浸泡伯爵茶内三分钟，就最好饮！如果说肉桂属于冬日，咁……呢杯香茶就一定属于我！😎