茶餐廳2.0 (已結業)

今日行开黄大仙呢头，就谂起茶餐厅2.0，行到门口见到有冬日2.0暖粒粒煲就已经俾佢吸引到入左去。坐低再睇吓Menu，发现佢有个Cafe2.0精选二人餐都好吸引，事关我朋友好想试下威灵顿牛柳，所以唯有下次再试佢个暖粒粒煲。法式龙虾汤温度做得几好，热热地但吹一吹又饮到，同埋感觉好鲜味，令人会想继续饮落去，佢有啲配料一粒粒有啲口感。烟鸭胸杂菜沙律个烟鸭胸肥美可口，肉质嫩滑几juicy，而杂菜就普通正常都爽口，有埋胡麻汁配一齐食，加添美味。卡邦尼烟肉蛋汁意粉首先要赞一赞啲意粉，好钟意佢嘅口感好弹牙，而蛋汁唔会整到好流又creamy。最后系正宗威灵顿牛柳，佢有晒黑椒汁同烧汁，个人认为配烧汁正啲，威灵顿牛柳整得唔生但又唔会”韧”，酥皮厚薄均匀松化，白饭就普通正常，不过可能两个人share会觉得个牛柳可以大旧啲就更perfect。套餐包热饮，冻饮加$3，我哋嗌左冻朱古力同热柚子蜜。要讲一讲佢个上菜速度预得几好，差唔多食完一道就会黎另一道，最后主菜就要等一等。呢间虽然系茶餐厅，但感觉比较新颖，有好多唔同菜式任君选择，重点仲要整得好食。