頤東酒家

营业中

休息中

由凤城改名至颐东之后第一次帮衬，感觉上整体水准都唔错，最精彩嘅要算系个冬瓜盅。5个人就订咗个细size的，$380，就咁睇个价都唔平，不过食落就知道物有所值。佢个汤碗比白饭碗细少少，比饮茶食点心的一般酒楼碗大少少，一个细冬瓜盅大约都分到10-12碗左右，份量都唔少。无味精就必然系啦，佢嘅用料都几讲究，质素几高，饮个汤够清够和味，夜香花粒粒都结实，唔会甩皮甩骨咁样，而D香味都几出。值得一赞系佢入面嘅蟹肉，好新鲜，如果可以比多少少就梗好。佢个冬瓜都拣得好，D瓜肉好嫩，无渣嘅，真系清甜美味。叉烧例牌基本上唔会令你失望，难得瘦叉烧都可以咁淋，而且都算香口。龙趸两味系其中一个特价菜式，份量比想像中少，味道只属一般，少少失望啦。西米布甸都系预订的，如果焗㶶D同焗干身D会更加好食。