BTB - Better Than Burger (富多來商場第二期) (已結業)

星期日朝早同人夫去完屯门饮茶，下午决定去大角咀觅食。最后揾到呢间隐藏于横街既burger店。呢间burger店系新九龙广场对面街，周围都系旧楼。舖面面积较细，得几个单边位。我哋就拣咗坐系店外长櫈。我哋叫咗「手打牛肉冬甩汉堡」和「软壳蟹冬甩汉堡」，其中一个转咗套餐，可以试埋薯条。等咗10分钟左右就有得。手打牛肉汉堡肉质鲜嫩多汁，而软壳蟹汉堡炸得好酥脆。呢间舖既burger都系用冬甩包做包面，口感非常松软。入面配料有蕃茄、芝士、生菜。套餐跟薯条同汽水，我哋拣咗BBQ味炸薯条。薯条口感外脆内软，烧烤味道十分浓郁，好食到停唔到口。我哋order咗正常size，如果想食少啲或者系细胃人士，可以叫「二人拼盘」或者「迷你汉堡下午茶」套餐。另外仲有为素食者而设既「大啡菇汉堡」。呢度仲可加topping系包面，有珍珠、棉花糖、烟肉三款比你拣。人夫都话呢间舖可以encore，非常推荐大家去食。