影片
更多
2016-12-28
2406 浏览
继旧年年初嚟依间百乐门宴会厅食团年饭，今年嘅做冬饭亲友都拣番依间，上次中秋饭拣咗间晌长沙湾街坊酒楼「金利丰海鲜酒家」有啲赖嘢嘅经历后，所以，今回稳打稳扎拣返连锁酒家开两围稳阵啲。始终成廿几人，有老有嫩，服务稳阵胜于一切。因为依间百乐门主力有搞婚宴，所以，个大堂认真富丽堂皇，不过，我哋拣食6:00pm头轮，所以，初段客人唔多，但转眼已经坐满全场，亦见有部份枱有翻枱情况，做冬大过年都无乜点错。我哋一行27人，占两围枱，可谓人才济济，大家拍埋啲都够坐得晒。其他锁碎嘢就唔多讲，服务做足基本，部长、侍应都有礼貌，就单刀直入讲餐饭。「冬至快乐套餐」ABC，唔同价钱主要代表唔同人数嘅套餐，我哋咁大棚人，就梗喺要C餐啦，$2,488围，但就无咗旧年提前落订可以减$200嘅优惠。此外，我哋每枱都多过12人，佢哋都执正收番多出人头嘅茶芥，然而，份量上绝对够一围13、14人食。叫得全包宴，就梗喺包茶芥、前菜、汽水连加一，不过事后俾钱先留意到，佢哋张菜单喺无标明全包宴，咁唔包乜？咪就喺啲前菜花生，成为鬼马嘅隐藏收费。乳猪大拼盘拼盘有乳猪、叉烧、烧鸭、海蜇及油鸡，跟上年嘅一样，呢啲就喺连锁酒家做嘢惯性，大时大节
因为依间百乐门主力有搞婚宴，所以，个大堂认真富丽堂皇，不过，我哋拣食6:00pm头轮，所以，初段客人唔多，但转眼已经坐满全场，亦见有部份枱有翻枱情况，做冬大过年都无乜点错。我哋一行27人，占两围枱，可谓人才济济，大家拍埋啲都够坐得晒。
其他锁碎嘢就唔多讲，服务做足基本，部长、侍应都有礼貌，就单刀直入讲餐饭。「冬至快乐套餐」ABC，唔同价钱主要代表唔同人数嘅套餐，我哋咁大棚人，就梗喺要C餐啦，$2,488围，但就无咗旧年提前落订可以减$200嘅优惠。此外，我哋每枱都多过12人，佢哋都执正收番多出人头嘅茶芥，然而，份量上绝对够一围13、14人食。
叫得全包宴，就梗喺包茶芥、前菜、汽水连加一，不过事后俾钱先留意到，佢哋张菜单喺无标明全包宴，咁唔包乜？咪就喺啲前菜花生，成为鬼马嘅隐藏收费。
乳猪大拼盘拼盘有乳猪、叉烧、烧鸭、海蜇及油鸡，跟上年嘅一样，呢啲就喺连锁酒家做嘢惯性，大时大节嘅套餐，就喺近乎一年抄一年，当然，对食唔多要求嘅亲友，啱食就得喇。况且，啲烧味都几好食，乳猪唔太肥，皮脆肉香；叉烧属全瘦，但烧得香口唔韧；烧鸭有油香，又无乜膻味。
瑶柱扒时蔬 时蔬只喺菜心，外观有啲黄，仲煮得些微过腍，只可以讲喺碟头够大，落瑶柱无手紧，好多瑶柱丝，味道平稳。
碧绿虾球蚌片依道菜就炒得好味在于食材应有嘅质感都发挥到出嚟，虾球爽口弹牙，蚌片有咬口但一啲都唔韧，而西兰花煮得恰到好处，唔会飞水飞到腍晒，加啲三色椒令道菜个样又唔会咁寡，兼且好足镬气。
碧绿虾球蚌片
41 浏览
1 赞好
0 留言
可以讲喺粗制滥造嘅出品，因为，既然喺炸嘢，但上到枱都唔觉得有热辣辣嘅感觉，此外，皮厚成团粉，腍晒唔脆口，里面都喺啲蔬菜粒，带子粒就得好少，认真麻麻。
红烧花胶海味翅照惯例，翅已经成为唔食嘅菜式，所以评唔到好唔好食。不过，听亲友讲，个翅几足料，啲鱼翅唔喺碎湿湿，都好一排排咁，高汤内又有啲花胶，都算交足货。
清蒸大龙趸除咗道碧绿虾球蚌片之外，条大龙趸就喺第二道有水准嘅菜式，睇外型应足3斤重，够晒大条兼蒸得火候啱啱好，中心位一夹就离骨，肉质又嫩滑细致。
蚝皇金钱海鲍片叫得海鲍片，就当然唔会喺真鲍鱼啦，咁海鲍片喺乜？部长话喺螺片一类，不过，切片后，外观、口感跟鲍鱼都十足十，再者，个蚝皇茨汁蚝味浓，稀杰度推得啱啱好，啲冬菇又够晒大只厚肉，菇味十足。
当红炸子鸡继碧绿虾球蚌片及清蒸大龙趸之后，第三道做得有水准而好食嘅菜式就喺只炸子鸡，炸得皮脆肉嫩，又有鸡味，咁就已经足够。
腊味糯米饭回顾旧年个食评，佢哋喺写「生炒」腊味糯米饭，食落感觉喺炒出嚟，饭粒分明又烟糯。不过，今年个饭真喺唔得，未至于难食，但就唔多好食，今年唔加「生炒」二字，再睇睇啲饭，明显就喺煮出嚟，味道还可以，但饭粒腍烂，失去晒糯米饭嘅烟糯感。
鸿运庆团圆今次食头轮，酒楼都想我哋早啲食完就可以还枱俾下一轮客，所以，今次就唔会发生旧年呆等汤圆事件。果盘及红豆沙汤圆同步送上，红豆沙汤圆质素普通，连加片陈皮嚟煲都懒做，但总好过上次又杰又唔热。
鲜果拼盘西瓜加橙，低成本生果，所以无乜好写，影张相留个记录而已。唯一抽吓水仲有得讲嘅，就喺啲橙一开八，成碟果盘只喺用咗一个半橙，所以，咪以为成碟好多呀！
同场加映，就喺庆祝埋其中一对表姨生女及表姨生仔嘅生日，但老套嘅老豆买咗个老土嘅生日蛋糕，依类鲜果忌廉蛋糕真喺多年无乜点食过。酒楼既唔收切饼费，又提供埋胶叉及换上新碟，而且成晚嘅招呼真喺唔错，整体嘅服务达标。
除咗海皇卷同糯米饭明显差一大截，其他都算喺咁，况且平均每人二百落楼，食到大家饱晒，算唔错啦，加上今次服务又唔错。食完餐饭都喺八点松少少，之后行街嘅行街，返屋企嘅返屋企，仲有成晚时间处理私人嘢，所以，食头轮啲时间都喺好用啲。
张贴
