影片
更多
2014-12-29
2543 浏览
冬至日，屋企一向唔做正日！唔约家人，可以约朋友一起吃喝玩乐！大家约在湾仔，避开中菜（个个都做节 ）拣咗呢间口啤唔错嘅马来亚餐厅！打电话去仲可以接受订位！去到在酒吧之间一间特色餐厅！籐制桌椅，加室内装饰，好富东南亚色彩！因为我哋刚血拼完，有好大袋战利品，招呼嘅经理好帮手安排个靠墙四人位，可以安放战利品，安心食饭！自己都系第一次在香港食马来亚菜，香港比较多系泰菜或星洲菜，以马来亚菜为主嘅餐厅唔多！原来唔止肉骨茶同咖哩！其他都仲有好多款式！我们主要试平时无食过嘅！仲见到其他马来亚籍人来食，可见味道应该几正宗！ 海鲜喇沙：汤底好浓好杰，椰汁味重，唔辣，米粉爽口弹牙，材料好多，豆卜索晒啲汤！鱼片厚切弹牙！海鲜种类多！全部爽口！ 油酥饼：呢个系食家推介，店内有个马来亚人新鲜做，不过我哋坐得远，睇唔到表演！上枱已经好喜欢，好油香酥化，烟烟韧韧！我哋用佢点麦卡莉汁！酸酸地好哋！ 香草羊肉串：呢个系肥髀想食，问经理一客有几串，佢话两串，心念$98一客得两串？（我用平时泰式串烧联想）经理解释两串羊肉串系西式大块肉嘅size，咁我哋叫一客，上枱卖相已经好钟意，一个木桶仔插住两串羊肉，羊肉好香香草味，
海鲜喇沙：汤底好浓好杰，椰汁味重，唔辣，米粉爽口弹牙，材料好多，豆卜索晒啲汤！鱼片厚切弹牙！海鲜种类多！全部爽口！
油酥饼：呢个系食家推介，店内有个马来亚人新鲜做，不过我哋坐得远，睇唔到表演！上枱已经好喜欢，好油香酥化，烟烟韧韧！我哋用佢点麦卡莉汁！酸酸地好哋！
香草羊肉串：呢个系肥髀想食，问经理一客有几串，佢话两串，心念$98一客得两串？（我用平时泰式串烧联想）经理解释两串羊肉串系西式大块肉嘅size，咁我哋叫一客，上枱卖相已经好钟意，一个木桶仔插住两串羊肉，羊肉好香香草味，睇落好juicy,1串四件羊肉，热辣辣，食落唔膻，好多肉汁！香草带出羊肉鲜味！正！
麦卡莉汁烧鸡：呢个纯粹因为未食过，上菜见系红色酱汁盖住几件鸡肉，酱汁好杰身，味道酸酸地（餐牌话系牛油茄汁）好浓酸茄味！点油酥饼刚好！鸡肉嫩滑！份量都几大！好味！
印度烧烤饼：因为仲带有点肚饿，又有麦卡莉汁剩！所以叫多客烤饼，叫另一款印度烤饼！烤饼都等咗好耐！啲酱汁都冻了！比油酥饼干身硬净，味道会淡啲，点酱仲好味（唔会抢咗酱汁本身嘅味道）热辣辣好味！
马来椰丝炸香蕉：呢个系甜品，样子似糖不甩，不过朋友唔钟意食椰丝（参考照片有好多椰丝洒响面）经理又好照顾我们，话可以走椰丝兼洒上面嘅花生糖粉另上，（佢服务真系好到唔话得）上枱卖相几好，比埋干净叉及碟，叉一件炸香蕉捞满糖粉，味道其实唔错，香蕉软糯，配甜糖粉味道好夹！但有点油溢味，唔太新鲜！应该要换炸油了！
椰青--好新鲜清甜，解腻、解辣一流！
啤酒--正常
食物真系唔错！经理服务无得顶，虽然笑容欠奉，但解释好详尽，我们分开加几次食物，每次都问佢一轮问题，其他店员就个别有一个后生仔在游魂！成日飘过但又唔会望下客人需要，次次都要叫！（飘过几次，成日望手机）厕所虽然细啲，但干净，设备都几齐全！
呢间马拉菜可以一试！
张贴
