金輝燒臘

营业中

休息中

冬至早收工，于是做乖乖女陪妈妈去买送做节！砍料加送黎讲，烧味真系走唔甩！沙田街市得两档烧味，就求其拣左呢间金辉，为左做到乜都有既效果，我地就样样拣啲，试一试佢味道如何。估唔到又几好味，叉烧睇落颜色唔系咁橙，应该少落色素，半肥瘦适中，岩我食。烧鸭烧得几香，啲肉都几滑，唔系霉既。烧肉拎到返去摆左几个钟啲皮仲脆卜卜，好味！生肠超级爽口弹牙，证明好新鲜！鸡肾猪肚就一般货色，不过不失啦。最中意都系佢既白切鸡，好滑好滑，但食落唔系淋pat pat咁，啲肉系实既，而且唔系话淡茂茂咁，唔洗落葱油都ok，食到佢浸鸡油香味，亦唔觉肥腻！下次再加送决定试下佢啲烧鹅，好似几吸引咁