天龍泰越餐廳

营业中

休息中

天龙泰越餐厅位于何文田爱民邨嘅冬菇亭。而家啲冬菇亭全部翻新过，唔单止冷气开放，地方仲干净企理，其实同街舖或者商场入面嘅食肆冇咩分别。午餐时间，叫咗碟泰式鸡丝金边粉，再配杯龙眼冰。金边粉非常大碟，材料除咗鸡丝，主要系芽菜，韭菜同蛋丝，尚算丰富，不过略嫌炒得差少少镬气，调味亦较淡，冇咗炒金边粉平时𠮶种酸味味好开胃嘅独有味道。至于杯龙眼冰就好好饮，唔太甜，好解渴，龙眼肉虽然灰灰哋色卖相唔靓仔，但系既清甜又 juicy，好食👍。