冬蔭公公 (已結業)

好耐無黎冬蔭公公，所以今日黎試下。泰式手撕雞撈檬粉: 配料夠多，可惜撈檬既汁味道較淡，有改善既空間。泰國冬蔭海鮮米線: 個湯底好香好濃好夠味，辣度方面有BB 辣，中辣同大辣，我地揀左BB辣，睇落去好似好辣，但係其實一D都唔辣，下次真係可以試下中辣。配料方面有大蝦, 蟹柳，魷魚鬚，龍蝦丸，鮑魚片，青口，幾足料，至於米線就有點兒過腍，建議店方注意煮食既時間。拼盤套餐: 小食拼盤好正啦，有蝦餅，泰式春卷，豬頸肉，酸辣鳳爪，沙嗲串燒蝦2支，沙嗲串燒雞2支，我本人最鍾意既都係串燒同蝦，個拼盤本身有D汁配既，但係D肉已經夠味，唔點醬都OK。小食拼盤配任選飲品2杯，我地叫左鹹青檸梳打+ 珍多冰，味道好好，值得一讚。