九五至尊火鍋狗毛

营业中

休息中

餐厅环境阔落宽敞，有几间VIP房可以唱K，亦都有酒吧可以玩飞镖；装修好靓好泵本，连酱料区都霸气过人😆Follow IG有得free火锅汤底/半价鸡煲，连鸳鸯锅都可以免费！除咗火锅配料，呢度重有好多款酒精饮品同泰菜可以拣，泰式串烧、炒粉面同甜品等都有😳职员话呢度嘅老板系做泰国餐厅起家，所以好识整泰菜。我哋拣咗冬荫汤底＋皮蛋芫茜汤底，在此劲力推荐佢个冬荫汤，酸辣惹味，香浓足料😋🥢麻辣鸭血免费任食，煮到好入味，都几辣几香口。🥢手切本地牛睇雪花都知正，肥瘦均匀，肉质软腍，牛味浓郁😍🥢珊瑚蚌、三黄鸡肉、鳝片、冬瓜、红薯粉珊瑚蚌爽口弹牙，$58嚟讲份量都几多，抵食👍🏻鳝片新鲜，肉质紧实；三黄鸡肉比普通鸡肉更加嫩滑、有鸡味；冬瓜同薯粉劲夹个冬荫汤底，索晒味好正。🥢烧鳝串好juicy，冇细骨，啖啖肉，鱼油劲香🤤🥢椒盐墨鱼咀即叫即炸，热焫焫上台，外脆内软。