甜一刻

营业中

休息中

呢两日 33 度嘅高温，喺街行一阵都就嚟热到溶咗，急需揾啲冰冻嘅嘢降下温，于是双脚好自然咁走咗入去甜一刻。下午时份，唔系 peak hour，成间店只有一位阿姨打骰，煮嘢接待落单收钱 scan 针卡一脚踢，为免加重佢负担，决定叫个较简单嘅甜品，于是拣咗紫薯芋圆小丸子凉粉。呢个甜品最吸引嘅肯定系中间𠮶球紫薯蓉，系真 • 紫薯蓉，味道同口感都天然真实，好好食。其他配料方面，凉粉冰凉爽滑，小丸子有糯米香，口感烟韧 Q 弹，紫薯圆同地瓜圆同样 Q 弹，食得出紫薯同蕃薯味之余又唔会太甜太假，完全系我喜欢嘅味道。干掉整碟甜品后，成个人当堂降哂温。