Mango X'press (已結業)

天气热到傻, 行经mango x’pres, 谂住饮返杯野消暑, 点知见到新出品既豆腐花, 被佢吸引左。大热天食冰冻豆腐花简直系享受!! 有抹茶红豆、珍珠同芒果味, 抹茶卖哂所以同妈咪拣左芒果同珍珠。豆腐花好大碗, 上面铺满爱文芒果, 芒果又香又甜, 配埋豆腐花食甜度啱啱好!! 豆腐花滑嫩, 入口凉浸浸, 正!! 而珍珠非常烟韧有咬口, 配埋黑糖同黑豆花, 好好食!! 2大碗豆腐花都系$18同$15蚊, 今时今日普通1碗都十几蚊, 呢度真系几抵食!! 心心窝夫 $68呢个心心窝夫好大份, 几重手, 吸精度高, 拎住行听到有人话好型😂😂😂吸精度爆灯但系味道就一般啦😳 窝夫唔够脆, 有啲似蛋糕, 质感亦唔够绵滑, cream实左啲, 好腻, 中间包住爱文芒果雪糕, 雪糕芒果味浓, 果然芒果系主打💁梳打有唔同色系因为有盏闪闪下既灯系里面, 甜甜酸酸咁有得食有得饮, 系有谂头既👍不过如果店舖有少量位置可以堂食就更好。