十字冰室 (禮頓道)

营业中

休息中

朝早食茶記，夜晚都食茶記，睇黎我真係好鍾意茶記XD不過呢間茶記嘅炒蛋非常好食，而且好滑，見到佢成個雪櫃都係十字牌牛奶，唔怪之得可以整到咁滑啦～叫左個櫻花蝦炒飯，炒飯上面好鬼多櫻花蝦，而且炒飯炒到好乾身，食落唔會好油膩，抵讚！瑞士雞全翼，醃得好入味，唔會只得雞皮先有味～籠仔椒鹽燒賣，見佢個名咁得意，所以叫左黎試。第一次食椒鹽燒賣，因為椒鹽嘅緣固，燒賣好香口，而且表面脆卜卜。最後叫左2杯奶茶，一杯係熱奶茶，好香茶味，相信佢個茶膽係正嘢～～朋友仔就叫左紅豆奶茶，佢都話好味～～除左食物，呢間茶記都好有心思搞復古，袤土住啲擺設食野都開心d嘅。而且係一般茶記嘅價錢，好抵食呀！