十字冰室 (禮頓道)

营业中

休息中

大家细细个一定饮过十字牌牛奶，咁以十字牌牛奶做主题嘅冰室餐厅又有无试过？十字冰室原来喺铜锣湾都开咗分店，装修走怀旧路线，手写餐牌同霓虹招牌，靓相打卡都好靓！皇牌餐：香浓蕃茄牛尾汤通粉+黑松露滑蛋+牛油多士你睇下𠮶蕃茄牛尾汤通粉几足料。一开始当然试下𠮶汤先，茄味香浓，好似饮紧罗宋汤咁，仲有好多红萝卜、西芹、椰菜、蕃茄，好足料。仲有一大旧牛尾，一啲都无偷工减料，牛味浓郁，真系好满足。黑松露炒滑蛋值得推介，加入十字牌鲜奶炒，所以特别香滑，而且有浓郁嘅黑松露味，正！牛魔王精选铁板餐话明系牛魔王就梗系全个铁板都系牛啦，有牛扒、牛脷同汉堡扒，全部都好香牛味，再加埋薯菜，真系好大份，好满足！特别钟意𠮶黑松露茄茸汁，加入原块干蒜片，好惹味！铁板餐仲配南瓜汤同HK$22嘅饮品。瑞士鸡翼捞一丁面两只鸡全翼配上瑞士汁，煮得好入味，加埋一丁面，啱晒M佬！花生酱厚西多士邪恶至极嘅西多士新鲜炸起，上面嘅牛油慢慢溶化，好治疗呀！再加埋花生酱同花生粒，口感丰富，味道浓郁！