十大碗粥麵專家

营业中

休息中

香港愈黎愈多粉面餐厅，尼间既有面食，又有粥品，岩哂想食清淡既朋友。环境舒服卫生干净，有d冰室feel，与同类铺头比较，环境卫生更胜一筹。叫左凤城水饺，牛腩米粉(双拼$41)，葱花虾米肠粉($22)，饮品。一坐低，侍应就会俾个碟仔，随意夹枱面上既腌萝卜。萝卜酸酸地，好开胃。而且，萝卜切得够大粒，有口感。牛腩量多，有4至5件，仲有少少牛筋。肉唔会韧，唔会食到痴牙，入味。水饺有2粒，馅料有大大粒原只虾，仲要系腌过，亦有一大片厚身冬菇，木耳，鲜甜好食，必叫水饺。葱花虾米肠粉既米浆好稠，所以食落口系厚身，食2至3件已经有饱足感。有多葱同虾米，好香口。如果想要多d豉油，可以同侍应讲。豆浆系香港制，好贴心俾左个杯，方便饮用。当日咁岩见到师傅拉面条既过程，原来可以买生面，每个$8。即日制作，够新鲜。