越華會海鮮館 (已結業)

由旧舖开始食到依家，差不多10几年一直都好支持，一排冇食之后感觉上今次食有少少失望。搬到新地址，装修OK同埋够阔落，冇以前咁迫。但系食物方面就无以前咁有镬气。避风塘炒蟹唔够干，唔够入味，搞到d肉冇乜味，不过好彩都大大只有肉，价钱差不多$700。乳鸽OK香口，豉椒炒蚬都OK大只同多。脆皮炸豆腐，外脆内软，由以前我都钟意食。冬瓜盅好足料，好味好大份，可以饮到好多碗。唯一非常满意嘅系汽水加冰底竟然要$5，咁贵之前又冇同我讲；跟住我食唔晒嘅冬瓜盅，打包，个2楼短头发女侍应服务非常之差，完全冇谂住要帮我地处理，掉低个盒俾我哋就算，自己处理。收得又唔系平，价钱中上但系又唔系高级格局，如果唔系因为食开有感情，个女侍应今时今日咁嘅服务态度，咁就唔好怪个市生意差左，应该检讨下自己嘅服务态度先。