影片
更多
2021-08-16
526 浏览
难得放假就梗系要接女朋友放工啦，但系佢收工前我就享受下bro time。我同兄弟喺深水埗买完野，行多两下，行到身水身汗，见到对面有间几靓仔嘅茶记，最紧要有充足冷气就入去坐下。坐落我地觉得佢似Cafe多啲，或者叫新派茶记都适合。下午四点几依个时间都几多人食，其实我哋唔肚饿，志在歇下脚。啲伙计都几有礼貌同热情，系咁叫我哋试吓Pizza，我见隔离枱食都好似几正咁，但晏啲我又同女朋友食dinner，所以我就唔系食左咁多。我同兄弟首先一人叫咗一个牛角包，价钱三十几蚊，仲包饮品，OK啦。而家求其喺间茶记食菠萝油都要依个价。我哋分别要咗烟三文鱼馅同埋吞拿鱼馅，两者都塞到好满，而且个牛角包本身都够松软，比起Coffee Shop𠮶啲嘅出品优秀。我地愈坐得耐，食完一样又忍唔住嗌第样，我哋叫咗一份日式黑豚肉汉堡，share食，$58蚊，佢无论个样同味道都唔错，其实佢有少少似猪扒包，但又维持到西式汉堡包嘅感觉。面包系深黑色，估计系用咗黑炭原素，味道就同正常面包无异。我好欣赏块猪扒够厚，而且亦都好Juicy。嗌咗个黑豚肉汉堡就可以以优惠价加小食，我哋追加左份辣汁烟三文鱼$28，老实讲上枱时真系唔知系乜，但原来
啲伙计都几有礼貌同热情，系咁叫我哋试吓Pizza，我见隔离枱食都好似几正咁，但晏啲我又同女朋友食dinner，所以我就唔系食左咁多。我同兄弟首先一人叫咗一个牛角包，价钱三十几蚊，仲包饮品，OK啦。而家求其喺间茶记食菠萝油都要依个价。我哋分别要咗烟三文鱼馅同埋吞拿鱼馅，两者都塞到好满，而且个牛角包本身都够松软，比起Coffee Shop𠮶啲嘅出品优秀。
我地愈坐得耐，食完一样又忍唔住嗌第样，我哋叫咗一份日式黑豚肉汉堡，share食，$58蚊，佢无论个样同味道都唔错，其实佢有少少似猪扒包，但又维持到西式汉堡包嘅感觉。面包系深黑色，估计系用咗黑炭原素，味道就同正常面包无异。我好欣赏块猪扒够厚，而且亦都好Juicy。
嗌咗个黑豚肉汉堡就可以以优惠价加小食，我哋追加左份辣汁烟三文鱼$28，老实讲上枱时真系唔知系乜，但原来系加咗辣酱汁嘅烟三文鱼。估唔到点酱食比起就咁食更加开胃，但朋友就嫌重口味，不过如果真系唔中意，拨开啲酱就OK。
最后不得不提依间冰厅竟然有生蚝食？我本身见到个餐牌，以为夜晚先有，但原来午市后就已经有供应。佢既然可以逐只嗌，我就爱尔兰$38同法国$20都各来一只试下，过吓口瘾。果然价钱唔同，生蚝都系有啲分别。爱尔兰𠮶只明显比较肥美，但两款嘅海水味都强。
饮品来讲，我哋两个麻甩佬竟然不约而同地都系嗌花茶饮，可能受女朋友影响得多哈哈！我要左洛神花冰蜜茶，兄弟好似要咗伯爵茶。跟餐可享半价。花茶大大壶，好襟饮，我果只茶好浓味，带点甜，但都算清润。最终谂谂吓，我哋坐咗都成两个钟，又嗌啲轻食同花茶饮，感觉真系好港女，我同返女朋友讲，佢都笑我，哈哈。整体而言，呢间餐厅价格相宜，嚟食放题都冇问题，虽然系讲笑，但真心抵食。
张贴
