影片
更多
2016-07-30
975 浏览
之前去过新蒲岗几次， 但每次都系为工事路经同短暂停留，亦同呢间金宝擦身而过多次， 到琴日先有少少时间终于可以坐低品尝下香港其中一种文化历史 "冰厅" 嘅食物。虽然真正嘅"冰厅"依家已经剩余唔多， 特别系现今香港处于超贵租时代， 仲有机会品尝， 除咗系多得有怀旧同传统风味嘅吸引力外， 佢地嘅实力就一定系包括在内喇， 唔系边有可能可以继续维持生计顶贵租， 除非系自己物业就另计喇， 哈~入去坐低睇一睇个餐牌就叫咗我去开传统"冰厅",或者 "冰室" 最常叫嘅食品： 就系常餐嘅"沙爹牛肉公仔面" 或者系 "叉烧意大利面粉， 配奄列等等~~ 因为天气太热， 唔想食刺激性嘅野同唔太钟意食火腿， 所以无拣沙爹个常餐， 叫咗佢地嘅午餐: "叉烧汤意粉"， 火腿奄列就改做"肠仔奄列"。 除此之外， 我当然会叫埋香港茶餐厅应有嘅传统美食： 西多士食奶 (i.e. 配炼奶唔用糖浆， 我个人觉得西多士咁配系最好食), 而饮品就紧系。。。"冰柠茶"喇~~~系我等紧食物到嘅时候， 我就好钟意欣赏冰厅拥有嘅怀旧装修， 因为可以反映到以前当时嘅潮流系点， 其中一样我一定会留意嘅就系有"花纹图案嘅阶砖地板"！！ 同依
虽然真正嘅"冰厅"依家已经剩余唔多， 特别系现今香港处于超贵租时代， 仲有机会品尝， 除咗系多得有怀旧同传统风味嘅吸引力外， 佢地嘅实力就一定系包括在内喇， 唔系边有可能可以继续维持生计顶贵租， 除非系自己物业就另计喇， 哈~
入去坐低睇一睇个餐牌就叫咗我去开传统"冰厅",或者 "冰室" 最常叫嘅食品： 就系常餐嘅"沙爹牛肉公仔面" 或者系 "叉烧意大利面粉， 配奄列等等~~ 因为天气太热， 唔想食刺激性嘅野同唔太钟意食火腿， 所以无拣沙爹个常餐， 叫咗佢地嘅午餐: "叉烧汤意粉"， 火腿奄列就改做"肠仔奄列"。 除此之外， 我当然会叫埋香港茶餐厅应有嘅传统美食： 西多士食奶 (i.e. 配炼奶唔用糖浆， 我个人觉得西多士咁配系最好食), 而饮品就紧系。。。"冰柠茶"喇~~~
系我等紧食物到嘅时候， 我就好钟意欣赏冰厅拥有嘅怀旧装修， 因为可以反映到以前当时嘅潮流系点， 其中一样我一定会留意嘅就系有"花纹图案嘅阶砖地板"！！ 同依家常睇到闷嘅木色或系炭黑色地板嘅欧韩式餐厅好唔同， 虽然旧旧， 但配合啡色嘅坐椅同木边台反而显得更有特式！
唔洗5分钟， 食物到喇， 先来午餐嘅：
"叉烧汤意粉"; "肠仔奄列";
"冰柠茶"
卖相都嘅ok, 不过我只系改咗唔要火腿， 要香肠， 唔知点解连奄列都变埋炒蛋。。。 不过算喇， 如果系好食嘅， 奄列又好炒蛋又好， 都无所谓喇！
开动喇。。。
叉烧汤意粉：叉烧肉好柴， 意粉好"淋";
香肠： ok嘅， 唔咸 (因为有D会用好似厨师牌嘅香肠就会好好好。。。咸)
炒蛋： 炒得太薄， 好似纸咁薄， 无口感；
牛油面包： 都系"淋", 好重湿气咁；
食咗2分钟， "西多士食奶"上台喇~~~~
件西多士好厚身， 睇落好似好吸引， 心谂今次应该无叫错！ 落刀一切。。。件西多士就好似漏气咁， 慢慢咁扁咗， 好似表演magic 咁， 一睇切面就知道系什么一回事！
依家市面上我哋食嘅西多士都系用两片面包加花生酱系中间粘实之后沾上蛋浆就去炸， 所以睇落够厚同食落有口感之余， 仲有花生酱味。 而金宝做嘅系得一片比普通方包厚少少咁去整嘅西多士， 所以一上台时睇落好似好厚， 但一切， 热胀冷缩原理 (我估咖咋， 如有错， 唔好话我㖞， 哈) ， 系西多士入面D热气就立即走晒， 得一片方包做嘅厚厚西多士无咗D热气顶住马上变成平平西多士， 加上佢地嘅面包真系好似头先食嘅牛油面包湿湿咁， 口感就真系唔合格~
尽管食物我个人就觉得好一般， 但我都想推介同有机会去开新蒲岗都会再去金宝试食其他野， 因为呢间冰厅老板态度好亲切, 会主动同你有讲有笑，唔似出晒名服务态度差嘅澳牛咁， 如果要同佢服务态度比较，呢间就好似5 星级酒店咁亲切， 食得舒服！什么"冰厅"， "冰室" 就系依家我哋常见同叫嘅"茶餐厅"前身, 唔止俾现今嘅茶餐厅多咗怀旧， 而系代表香港成长转变嘅历史见证， 我当然好想上代嘅好野继续留下， 但如果连一间餐厅嘅最主要精神食粮--"食物嘅QC"都做唔好， 我惊我哋下一代可能会睇唔到什么真正嘅传统"冰厅"， "冰室"喇， 得番D 大型连锁餐店~~
本土特色， 加油呀！
张贴
