影片
更多
2014-08-07
628 浏览
波罗冰沙 $50 - 入到舖头拎起menu，首先入眼既就系呢个波罗冰沙，望落去价钱不菲，笔者本身谂都唔谂就skip左呢个选择，但望到格黎台之后就即刻叫左。50蚊好似好贵，但份量大到可以2个人share，仲要用半个原只波罗装住，望落去外型好有心机整，单系卖相已经加左分，食既时候先发觉原来呢个外型系方便食客，唔会整塌旧冰，都几细心。相机食完后，第一啖食落去感觉系清香、清新、香甜既天然波罗味香，但冇一啖系冇味既冰。清淡健康，系食呢个冰沙既第一个层次。第二个层次系食到剩1/3时，将冰沙同波罗底既波罗汁捞埋一齐，带出一种浓香既波罗味，浓、湿、刺激番冻到冰哂既舌头。食到最后，当然系食埋d波罗肉佢啦。如果你中意食甜品，黎小甜谷order波罗冰沙会系夏日炎炎既最佳选择。宇治抹茶雪糕-$45 - 叫完波罗冰沙后，由于笔者意犹未尽，见到店内每张台都至少有一个人叫抹茶雪糕，于是都抱住羊群既心理点左一份。讲起宇治抹茶，周街都有，而且唔少食店以其之名收贵d，笔者最憎人欺骗其感情，仲要侮辱紧宇治哥哥定姐姐。。。自从中过几次伏之后就好少再食卖得贵又自称宇治既甜品。。。。。。相机食先是基本吧。欣赏左两眼，发觉佢既绿色
波罗冰沙 $50 - 入到舖头拎起menu，首先入眼既就系呢个波罗冰沙，望落去价钱不菲，笔者本身谂都唔谂就skip左呢个选择，但望到格黎台之后就即刻叫左。50蚊好似好贵，但份量大到可以2个人share，仲要用半个原只波罗装住，望落去外型好有心机整，单系卖相已经加左分，食既时候先发觉原来呢个外型系方便食客，唔会整塌旧冰，都几细心。
相机食完后，第一啖食落去感觉系清香、清新、香甜既天然波罗味香，但冇一啖系冇味既冰。清淡健康，系食呢个冰沙既第一个层次。
第二个层次系食到剩1/3时，将冰沙同波罗底既波罗汁捞埋一齐，带出一种浓香既波罗味，浓、湿、刺激番冻到冰哂既舌头。
食到最后，当然系食埋d波罗肉佢啦。
如果你中意食甜品，黎小甜谷order波罗冰沙会系夏日炎炎既最佳选择。
宇治抹茶雪糕-$45 - 叫完波罗冰沙后，由于笔者意犹未尽，见到店内每张台都至少有一个人叫抹茶雪糕，于是都抱住羊群既心理点左一份。讲起宇治抹茶，周街都有，而且唔少食店以其之名收贵d，笔者最憎人欺骗其感情，仲要侮辱紧宇治哥哥定姐姐。。。自从中过几次伏之后就好少再食卖得贵又自称宇治既甜品。。。。。。
相机食先是基本吧。欣赏左两眼，发觉佢既绿色比较浓，心谂应该唔会太hea，匙巾落去再上黎既时候，果然有惊喜--雪糕系“结“既，而且好似芝士甘要扯高d先会断，姐系冇偷工减料，加分！
食落去第一下，感觉抹茶粉落够，浓抹茶味，不过浓得黎又苦，苦中带涩，当笔者开始失望既时候，食左一啖抹茶雪糕加红豆后，红豆既甜味刚好盖过苦涩味，而苦味又淡化左红豆既甜味，令人食落去感觉唔会太甜，苦得黎又冇左种涩味，两者互相融和、平衡刚刚好，系笔者食过之中最好食既宇治抹茶。
食到最底，系一块甜既格仔饼，系反转既梯形，笔者认为其用处有二，其一，另下面既纸杯显得冇用，变相唔环保；其二，将雪糕托高，另食客食前睇落好多，食完感觉被骗（饼底去到纸杯既一半既高度）。。。。。。
虽然其上碟技巧有待改善，不过，呢间既宇治抹茶雪糕的确系落足料，雪糕同红豆既份量亦成比例，所以系值得一试！最后好贪心甘讲句：笔者认为雪糕同红豆既份量可以再落多d既。。。。。。
笔者未探访过日本，未品尝过正宗既宇治抹茶，所以无法作出更深入既比较，故此，以上愚见，请多多包涵。
张贴
