糖百府 (已結業)

先讲第一次偶然黎到，谂住食豆腐花，店员话冇，之后问左几款热甜品，都冇！（当时心谂十点就咩都冇既，系咪根本冇预备到？！）最后拣左杏仁糊，呢度做得杰身，有杏仁味之外仲有种香味，但太香好似唔太真实，一般。其实都冇谂过事隔1个月会再黎，又系团购关系：P 下午茶时间黎到, 唔驶等位. 今次拣冻甜品，因唔想只食冰，系我犹豫紧咩系冰凉粉，店员主动介绍系牛奶冰+凉粉! 如果佢唔讲，我会以为系冰粒+凉粉(哈哈!) 咁就未必会嗌啦店员的回应值得一赞! 最后拣左红豆绿茶冰凉粉&芒果凉粉。两个甜品的卖相都几吸引。先讲冰凉粉，surprise，绿茶冰口味啱我，唔太甜，加埋偏甜的红豆粒就啱啱好。芒果凉粉够冻，芒果新鲜，但芒果浆太甜啦！已经预先问左店员要求走糖水同奶。如果on top仲有糖水咪不得了？！试过之后，个人认为黎呢到食都系食冰类穏阵。