爽爽麵店 (已搬遷) 新店位置

曾经睇过杂志推介呢间以醉鸡而闻名既小店，趁假日专程去试。未到中午去到已经要等位，不过可能时间尚早，都好快可以入座，店内得十数个位，还有告示话就黎搬去同一大厦既另一个位，到时只做外卖，不设堂食，即时庆幸赶得切黎试点左(白碗)冰鲜猪扒+醉鸡河粉及(绿碗)新鲜醉鸡米粉各一碗。当然新鲜鸡同猪都会贵d啦，清汤底淡。猪扒好普通。花雕酒既味道香浓，少少咸，酒既味道未算太重。冰鲜鸡皮薄，肉质厚实，而主打既新鲜鸡皮爽滑肉质算嫩但有d韧，各有好坏。整体味道算ok la, 但未至于要非食不可啰!