東海堂 (已結業)

今日系小編既二叔大人生日，哈，其實七月都幾多人生日架WOR。小編一向非常敬重二叔大人既，當然就一定要幫佢慶祝生日啦。生日又點可以缺少生日蛋糕，小編正當苦惱應該買意大利番茄定COVA好呢？但九龍灣又冇COVA架，經過呢間AROME，似乎佢地既蛋糕好似幾得意甘，有個波蘿既物體就直接吸引左小編啦，好啦，就試下啦，佢地話系用沖繩波蘿WOR，甘東海堂一向都係走東瀛路線既，應該唔會伏得去邊。順便買埋有數目字既蠟燭，好鬼得意，每支盛惠12元！其實都OK既個蛋糕好似好多CREAM甘，但食落口又唔係好膩，最開心既係好O厄到LIKE，附近臺既食客連帶侍應都話個蛋糕好LIKE，搞到小編既二叔大人為食已經興奮左先。食落去都唔錯既，蛋糕鬆軟，入面既餡系菠籮，冇話奇奇怪怪甘加D其他生果落去蒙混你，另外佢D CREAM雖然唔重菠蘿味但就唔係化學味同埋唔係好甜，整體黎講系OK既，最好系佢SIZE細細個，EVEN我地得6個人都輕易KO佢，咪做大曬鬼啦！ENCORE既機會頗高，又睇下有冇朋友仔生日啦，可以再買黎食。大家都可以考慮下，價錢唔貴，148一個，適合人少少驚食唔曬蛋糕怕浪費但又想買個蛋糕開心下。