架勢廚房 (建發里) (已結業)

喺屯门工厂区食晏，朋友介绍上咗英皇大厦嘅三楼架势餐厅！好有快餐店嘅感觉，座位宽敞冷气超冻，大热天时真系不错嘅选择！食物方面，都种类繁多，有台式、日式、韩式、中式和西式唔同嘅选项，我就选择咗台式炸排骨肉燥饭，仲有汽水送，但攞餐嘅时候发觉，全部都系用环保外卖盒，感觉其实唔环保，因为我其实系堂食嘅，虽然话好难请到人洗碗，但系明明系堂食都要浪费呢啲环保餐具，实在有啲过份！食物方面就真系普普通通！啲菜完全系冻嘅，卤水蛋都系冻嘅，饭就比较淋咗啲，炸排骨就比较硬咗啲，食落淡而无味！应该都唔会再嚟帮衬