恆河咖喱餐廳 (已結業)

(5/1/06)今次突破地,同男友食咖哩。入到去,感觉都几得意,上层如果坐,向街o个边好D,而我地坐正,对住侍应打点的地方,佢地无野做时,咪成日企o系度望住我地o罗!>_<餐汤好好味,真系饮唔出用咩材料做,一定有香料,姜,同蕃茄。香料炒蚝,配料无薯仔,有青椒,蕃茄,洋葱,蚝o既数量都唔少。香料咖哩牛腩,配饭,饭加左少少粟米粒。牛腩唔太靓,un un地。虽然两个咖哩,颜色深浅不同,但味道相近,不算好辣,香料味属中份量。这时已感觉食物被「分体冷气机」吹冻了,改变左食物的美味,食完无晒暖笠笠的感觉。跟住仲有碟玛拉盏炒西洋菜。好出色㖞,虽然叫玛拉盏,但无落辣椒o既,有点虾酱味道,蒜香又唔油。走时,有个印度人送我地出门口,态度好过侍应好多。