容記小菜王 (已結業)

星期日饮个早茶😋，唔记得几多年无嚟过呢度饮茶，应该都转咗手，地面有个台枱不过无人招呼嘅，上几级楼梯先到茶楼，台唔多，都几密，十几张，有少少卡位。野食唔贵，星期日唔使30蚊就有孖宝，我地拣咗虾饺并个粥，不过虾饺就得3粒，其实虾都几大只，不过个皮就少少烂，包得唔太好。其实点心味道可以嘅，都唔贵，叫咗六个点心（粥，虾饺，牛肉球，肠粉，萝卜糕，烧卖）4个人茶位都系16x , 不过冷气就滴水💧，埋单只收现金💸，整体环境服务麻麻😑，所以无乜一家大细嚟，多数都系老人家。