甘味讚岐手打烏冬 (已結業)

今日一次过试到冷荞麦面同冷稻庭乌冬，一于比较下。冷荞麦面($48)配料口感丰富d，天妇罗碎(炸粉碎)好香口，为个面加左好多分，仲有两块鱼板，而面条弹牙爽口，连唔钟意食(热)荞麦面既女友都话另眼相看。冷簥麦面味道、口感同天妇罗同wasabi都好夹，居然有d惹味。冷稻庭乌冬($42)无天妇罗碎，但系有温泉蛋、木鱼松、青瓜丝同wasabi，都好有特色。可惜乌冬雪得唔够荞麦面咁冻，口感无咁好，唔够弹牙，又无荞麦面咁有味，木鱼松又唔似天妇罗咁易捞匀，好易痴埋一旧，结果成碗面既调味就差一d。另外稻庭乌冬系幼身既，可以拣粗d既赞攴乌冬。另外点左牛乳蟹饼($28)同杂锦锅烧乌冬($68)。蟹饼系有creamy馅既可乐饼(个馅唔系薯蓉既薯饼)，其实无乜蟹肉，但系味道丰富又唔太溜。杂锦锅烧乌冬份量唔算多，但系好多𩠌，好满足，主要有叉烧、天妇罗虾同冬菇。