札幌拉麵屋

营业中

休息中

同老婆话嚟好耐，今日终于嚟咗。我哋叫咗冷面($55)，普通拉面($38)，同埋烧鸡软骨($20)。首先要赞佢哋嘅冻茶，有玄米味又解渴。冷面好正！面质清爽弹牙，配上海蜇、切条叉烧、蛋丝、青瓜、紫菜丝、新鲜生菜等等，感觉好清新。至于普通拉面，我起初都觉得奇怪，点解会咁样改名，话自己啲嘢普通，不过食完就认为个名改得几贴切，虽然面质算唔错，但系珠玉在前，给冷面比下去，加上汤底我嫌唔够好味，所以只算普通。烧鸡软骨方面，我哋系第一次食，虽然系即烧兼几有咬口，但系对我哋嚟讲，感觉只系一般。