生龍清湯腩 (已結業)

夜麻麻睇完戏肚饿，打算食埋宵夜先返屋企，点知行黎行去想食个几间都关门，唯有再行入少少望下。见到呢间居然凌晨两点有早餐卖，一于食个超早早餐醒神下，我谂呢餐应该系有生以来最早食的早餐。蕃茄汤猪润米线，个汤都几清甜，上面仲有一大堆蕃茄，真材实料！猪润唔会煮得太硬，味道都唔错。蕃茄汤菌通粉，除左通粉煮得太淋之外，其他无咩问题。普通肠仔同火腿，咸左少少，不过个蛋就淡到无咩味，中和返。奶油猪好多炼奶，个人超喜欢！淡到不得了的杂菌炒蛋，完全无味可言，好彩唔会太油。食完咁丰富的早餐就可以返去训觉。