三木日本料理 (已結業)

当我做野做到甩哂辘O既时候朋友CALL 食饭约尖沙咀等。尖咀好丫够就脚, 马上叫脑细食自己然后收工。去到朋友话放题店坐低左, 心谂:冻冰冰食放题? 去到有惊喜,原来间野主题系自己烧野食, 台面放左个炉O系度, 然后上大盘海鲜自己烧, 台面仲有盐同清酒俾我地自己调味。另外一部份可以重覆叫, 我地最后就食左两转蚬同三转菠萝仲有多春鱼，刺身寿司都足够新鲜但冻冰冰冇食太多，反而天妇罗真心ok。个蒜香一口牛都好食，相都未影就俾人抢哂😅。甜品方面柚子雪糕唔错，我地讨论紧系咪hand made 。整体感觉不错，系台面窄得滞冇乜位放野所以叫得冇咁爽，另外因为唔系繁忙日子佢俾多左9个字我地，由7点食到10点，否则又叫又烧两个钟唔多够时间。