曾記粿品

营业中

休息中

因某啲原因好耐无写openrice，不过今次不吐不快。又因某啲原因，近来住在附近的酒店。下午茶时间，落街买tea。早几日第一次来买，其他人买几个，佢会煎，佢话我买一个唔煎，叫我拣甜𠮶一种，唔使煎，听咗佢话。今日再来，想食韮菜果，专登买三个，另外两个系萝卜同糯米，个女人收咗钱即刻袋好俾我。我问：“系咪有得煎？“ 佢答：“今日忙，唔煎。“ 我明明买三个，唔煎你唔早讲？收咗钱先讲？我问：“就咁食得唔得？“ 佢答：“得，或者你可以叮一叮佢。“ 跟住我走咗。隔住个袋摸一摸，冻到好似雪柜啱啱攞出黎咁，点食？ 返到酒店，好彩酒店肯帮我叮，如果唔系完全食唔落。忙唔系唔得，下次人地买三个或以上都唔煎，早响。 又要讲返野食，三个果之中，白萝卜最好，萝卜少甜。因为系叮既关系，表皮其实好干硬，糯米果都叮到好干，而韮菜果，可能我本身期望过大了，韮菜好油，味道亦不算新鲜。