牛牛台式鴛鴦火鍋

营业中

休息中

早几日先同朋友倾开好耐都冇试过10度楼下…点知唔够几日就寒冷警告！ 既然系咁当然顺住个势打个边炉！之前见有网友介绍过呢间台式火锅！就打个电话book位先！730准时到达不过未能顺利入闸，因为当时场面好似宾墟咁！一出lift口应该有6,70人等位！好彩有订位！我地一行6个人，被安排左坐两张2人台人拍埋一齐！唔算太窄！幸运既系有两个炉头！先点左两个鸳鸯汤底！臭臭锅加海底捞麻辣，沙爹加胡椒猪肚臭臭锅感系臭豆腐锅咁！一般咁啦！麻辣就唔错！个辣系有d后劲！胡椒猪肚同沙爹都不过不失啦！点野食先！张落单纸比较唏嘘！得3款牛肉(牛梅花，牛小排同安格斯)！仲有猪，羊！再加少量海鲜！虾，鱼，蚬同八爪鱼仔(烚完缩到好迷你)！其实出面有仲两部雪柜放左不同火锅配料！有丸，饺，花胶仔，牛筋，菜，几都几十款野拣！ 除此之外仲有肉躁卤蛋饭！甜品就有雪糕，几款cake！野饮选择都有10款左右！野食到啦！落单纸d野食好企理下！d肉一早切好用盒分开一份份再冰好！黎到都未解冻！不过切得好薄！一放落汤就好快熟！系一份既份量比较小！所以”渣”一声成台都系吉盒！亦都发现有人手不足问题！牛肉其实个盒有颜色分开唔到款牛肉，不过太肚饿！