桃源海鮮酒家

营业中

休息中

得十度，但又好想去行下郊區，今日㨂左南丫島！由榕樹灣落船，行到去索罟灣。得果個幾鐘，無理由就咁返市區。於是就揾野食。不嬲都係覺得呢度既海鮮係超貴又唔好食既。但今日竟然間食店都話免加一、仲話送野飲。結果㨂左桃源！去到竟然見到一啲咁舊式嘅茶壺。套餐入面有蝦、魚、炒蜆、扇貝、菜同埋炒飯。可能由於我哋係第一台客人，我哋問呢個黑胡椒蝦可唔可以轉做黃金蝦嘅時候佢哋都一口答應。餐廳方面送咗呢個椒鹽鮮魷！雖然望落去好細碟，但係送嘅，而且味道方面冇偷工減料。天氣太凍真係會影響呢度嘅生意，但係亦令到我哋好好彩可以食到一餐咁美味嘅午餐。