星林居雲南米線餐廳 (已結業)

咪睇呢间嘢貌似up dup，其实好多捧场客。周末午餐都有人排队等位，而且都有回头客（至少偷听到隔离台系）。今次试咗个紫菜凉拌米线，非常有惊喜嘅系佢嘅酱汁。嗌咗小辣，但系辣中有甜，同豉油混合得恰到好处 ，而且食落去真系凉架，虽然未去到冻，但至少唔只得热捞米线。米线口感好好，虽然系凉过室温，但系无变硬，仲系好软滑弹牙，而且冇加其他配料，好滑好纯正。不过输左喺个饮品度。嗌咗个洞咖啡，冇叫佢少甜，但系好少甜而且带酸。但系只有冰系唔解辣架，味道仲要唔讨好。而且对比起其他餐厅，呢度嗌饮品唔系平添啊。过山车上咗天空，最后都要落地。